Струјата произведена со фотоволтаичните централи ќе се користи за за потребите на ФЕИТ и на факултетот ќе му донесе годишна заштеда од 3.000 до 3.500 евра.

Лозари од Кавадарци преку регионалното здружение „Напредни лозари“ изразуваат разочараност поради игнорантскиот однос на винариите кога е во прашање грозјето од годнашната реколта, а за вечерва во 20.30 часот имаат закажана средба на која ќе се разговара за проблемите околу откупот на винското грозје, цените и начинот на плаќање.

Привршуваат подготовките за Пијанечко-малешевската свадба, манифестација којашто на почетокот на септември по 12 пат ќе се одржи во Делчево.

Прилеп ќе го добие првиот дневен центар за деца со церебрална парализа кон средината на септември, соопшти денеска градоначалникот Илија Јованоски на средба со Здружението на родители на деца заболени од церебрална парализа.

Исмаил Ѓул и Демир Алиев се двајца другари, родени во делчевски Стар Истевник, а живеат во Истанбул, Турција. Летово, поточно првите две недели од август, двајцата турски државјани со македонски корени, дојдоа во посета на родниот крај.

Штипските основни училишта се подготвуваат за почетокот на новата учебна 2018-2019 година. Во Општинското Основно училиште (ООУ) „Димитар Влахов“-Штип во тек се градежни зафати, односно се реконструира подот и училниците.

Конкурсот ќе трае до 9 септември, а најуспешните ќе добијат признанија на традиционалната свеченост на која Министерството за економија го одбележува Светскиот ден на туризмот – 27 септември.

Во Струмица од поднесени околу 12 илјади барања за легализација на бесправно изградени објекти комплетирани се 6.514 предмети. По нив за 3.500 се издадени урбанистиччки согласности и пресметки за надоместок, а за 3.100 веќе има издадено решенија за легализација, информираат од Одделението за урбанизам при општина Струмица.

Средните и основните училишта чиј основач е општина Битола имаат вкупни долгови од над 285 милиони денари (околу 4,6 милиони евра), а од нив 122,8 милиони денари се долгови кон надворешни доверители, вршители на разни услуги за училиштата.

Кавадарци има многу можности за еко туризам, во комбинација со грозјето, ракијата и виното, изјави денеска холандскиот амбасадор Вилем Ваутер Пломп по средбата со кавадаречкиот градоначалник Митко Јанчев.