Беса и Алијансата пред договор за коалиција за вториот круг на локалните избори

Претседателот на БЕСА Билал Касами денеска изјави дека ќе иницира разговори со првиот човек на Алијанса за Албанците Зијадин Села за можна коалиција и соработка во вториот круг на локалните избори.

– Денес, исто така, ќе комуницирам со лидерот на Алијансата за Албанците, Зијадин Села, да ги започнеме разговорите и да ги конкретизираме можностите за соработка, во сите оние општини каде што одиме во вториот круг за да го максимизираме резултатот, рече Касами одговарајќи на прашањето дали ќе има соработка меѓу БЕСА и Алијансата за Албанците за вториот круг од изборите.

Касами изјавата ја даде по средбата со албанскиот премиер Еди Рама, кој учествува на Самитот 100 во Скопје. Рама имаше средби и со лидерот на ДУИ Али Ахмети, Села од Алијанса на Албанците, претседателот на ДПА Мендух Тачи и лидерот на ВМРО-ДПМНЕ Никола Груевски.