Референдумот не е ниту услов, ниту правно барање за имплементација на Договорот од Преспа, туку е избор на Скопје, рече шефот на грчката дипломатија, Никос Коѕијас во интервју за грчката државна телевизија ЕРТ, коментирајќи го и објаснувајќи го резултатот од референдумот во Македонија.

Во 1991 година над 95 проценти од граѓаните на Макаедонија се изјасниле за независна и суверена држава. Како сега околу 600 илјади, кои вчера гласаа „за“ можат да ја урнисаат одлуката на преку 1 милион и 90 илјади? Законски ниту овој референдум, според слабата излезност може да има таква легитимна сила, ниту пак собраниската процедура за промена на Уставот што сака да ја спроведе Заев.

Референдумскиот резултат не значи дека дека народот е против ЕУ и НАТО, но е исклучиво против промана на името, вели новинарот Васко Ефтов.

Симптоматично е што во последните два часа се случил нелогичен пресврт во некои албански општини па излезноста енормно се зголемила, вели професорката Болјана Ванковска, откако ДИК излезе со првичните резултати после затворањето на гласачките кутии.

Српскиот претседател Александар Вучиќ денеска во Москва, во врска со референдумот во Македонија, изјави дека не сака да се меша во внатрешните работи на некоја земја, но дека Европа мора да биде поодговорна, јави Б92.

Денот на референдумот генерално беше мирен и добро организиран. Постапките беа професионални, транспарентни и непристрасни, а кампањата мирна и активна.

На денот на референдумското изјаснување граѓаните јасно ја изразија својата волја, а гласањето помина во мирна атмосфера со понизок одѕив од вообичаено и со помали технички проблеми и нерегуларности на кои институциите соодветно реагираа, се вели во прелиминарната оценка на изборниот процес на Граѓанската асоцијација МОСТ.

Референдумот во Македонија беше релативно добро организиран и помина во претежно мирна и демократска атмосфера, оценува ЦИВИЛ во денешното соопштение до медиумите.

Официјална Тирана го поздравува дадениот глас „за“ на македонските граѓани „за подршка на договорот за името со Грција на вчерашниот консултативен референдум“.

Ден по референдумот, Европската Унија, преку комесарот за проширување, Јоханес Хан и високата претставничка за надворешна политика, Федерика Могерини, порача дека исходот од референдумот е знак за поддршка од граѓаните како за Преспанскиот Договор, така и за европската иднина на земјата.