Општествената и стопанската соработка помеѓу Општина Прилеп и Амбасадата на Руската Федерација во Македонија, беа тема на денешната средба помеѓу прилепскиот градоначалник Илија Јованоски, амбасадорот Сергеј Баздникин и неговиот помошник за економско-трговски прашања, Владимир Хрисанфов, информираат од приелпската локална самоуправа.

Амбасадорот на Република Бугарија во Република Македонија, Ангел Ангелов, оствари работна посета на општина Битола.

Дваесетина актери, режисери, уметници и културни работници од Кочани со потписи ја поддржаа иницијативата на локалната самоуправа и на градоначалникот Николчо Илијев за формирање професионален театар.

Угостителите од Делчево и нивните колеги од Пехчево и годинава традиционално ја организираа долго најавуваната угостителска вечер. На вечерта присуствуваа околу 80 угостителски работници кои на најубав можен начин ја одбележaa својата долгогодишна работа во угостителството. Како што информираше угостителскиот работник Горан Јанковски, ова е мал јубилеј, бидејки угостителската вечер се одржa по петти пат.

Форумот за демократска Македонија соопшти дека се повлекува од работната група за изготвување на Националната стратегија за соработка со дијаспората и се оградува од нејзината содржина. За намерата за повлекување испратиле писмо до координаторот на работната група за изготовка на Националната стратегија за соработка со дијаспората во кабинетот на министерот задолжен за дијасора – Едмонд Адеми.

Штипското јавно претпријатие „Стипион“ откако го расчисти снегот од улиците низ градот Штип, деновиве интензивно работи и на расчистување на локалните патишта. Директорот на ЈП „Стипион“-Штип, Сашко Протогеров денеска за МИА вели дека механизацијата го расчистува локалниот пат до село Шашаварлија.

Девет возачи кои ги управувале своите возила под дејство на алкохол биле откриени од полицијата при акциска контрола што викендов била спроведена во поширокото полошко подрачје, информираа од СВР Тетово.

Пристигнаа фотоколекторите со кои Општина Пробиштип ќе штеди електрична енергија на три општински објекти. Градоначалникот на Општина Пробиштип, Драган Анастасов, вели дека почнато е нивно монтирање, а целосната инсталација и пуштање во употреба на фотоволтаичниот систем е предвидено да се случи на 31-ви Март.

Со кожувчиња, грпки и бради, исцрнети лица од саѓи, клопотарци и стапови, со кои правеа врева, џоломарите од кавадаречкото село Сопот бркаа лоши духови во градот Перник, соседна Бугарија. Изминативе три дена, тие беа дел од меѓународниот карневал под маски, кој постои од 1966 година.

Намалена видливост поради магла до100 метри има на Попова Шапка, информираат од ЈП Македонија пат.