На иницијатива на Исламската верска заедница од Струга, а со поддршка на општинската организација на Црвениот крст денеска во Заводот за нефрологија се одржа крводарителска акција на која беа собрани 16 крвни единици.

Општина Кочани изготви годишна програма за контрола на популацијата на бездомните кучиња, според која за нивен третман и заштита во 2019 година ќе издвои 550 илјади денари.

Во прилепскиот театар „Војдан Чернодрински“ во тек се подготовките на претставата за деца „Авантурите на Пинокио“ според Карло Колоди во режира Дарко Ковачовски.

Претставници од независниот синдикат на тетовските пожарникари денеска ги демантираа наводите од општинското соопштение дека нивните барања што тие јавно ги истакнаа минатата недела имаат политичката заднина.

По повод духовниот празник на Струмица-Светите Петнаесет Тивериополски свештеномаченици, Советот на општина Струмица одржа свечена седница, на која за значењето на празникот говореше градоначалникот Јаневски.

Во рок од една година од штипските основни и средни училишта си заминале вкупно 77 ученици, кои со своите родители се преселиле во странство. Податоците на Секторот за јавни дејности покажуваат дека бројките се поголеми во основните училишта.

ЈП “Пазаришта” од Куманово ги постави унифицираните мини тезги на градскиот плоштад пред Центарот за култура. Еден дел од нив веќе се закупени од заинтересирани трговци кои нудат новогодишни украси и честитки за граѓаните.

По неколку години пауза Општина Велес ќе додели награди за најубав излог на продавница, најубав двор и најубава тераса во Велес, а за што пријавувањето е во тек.

Еколошката програма „Ден со природата“ која веќе неколку години ја применува фондацијата „Аполонија“ денеска им беше претставена на учениците од ООУ ,,Владо Кантарџиев од Гевгелија кои имаа прилика да се запознаат со целите на програмата и активностите на фондацијата насочени кон зачувување на животната средина.

Со финансиски средства обезбедени од турската владина агенција за развој ТИКА во валандовското село Казандол се гради нов објект на Подрачното основно училиште “Цветан Димов”. Градбата е почната пред 20-ина дена и стигната е до фаза на поставување кровна конструкција.