Франција е подготвена да го искористи своето нуклеарно оружје како вид за одвраќање во заштита и одбрана на Европа, додека САД наведуваат дека би можеле да се повлечат од европскиот континент, објави британскиот весник Телеграф.

Во Германија денеска почна судски процес против четворица наводни припадници на Хамас, осомничени за организирање на магацини со оружје ширум Европа.

Естонија е прва земја во светот што почна иницијатива за интегрирање на четботови (chatbots) и други алатки на вештачката интелигенција специјализирани за образование, во националниот образовен систем, соопшти естонската Влада.

Британскиот премиер Кир Стармер денеска изјави дека Обединетото Кралство ќе ги зголеми трошоците за одбрана на 2,5 отсто од БДП до 2027 година, од сегашните 2,3 отсто, за да одговори на новите безбедносни предизвици во Европа.

Русија тврди дека постигнала договор со Украина и Црвениот крст за евакуација на жителите од областа Курск во западна Русија, чии делови се окупирани од Украина.

Експлозија се случи утринава во Воено-техничкиот институт за тестирање Захорие во регионот на Братислава, потврди портпаролката на Центарот за итни медицински операции, Данка Чапакова, пренесоа словачките медиуми.

Од 1 април 2025 година сите патни и железнички превозници што влегуваат во ЕУ ќе треба да поседуваат целосна влезна збирна декларација (ЕНС) со детали за стоките што ги внесуваат во Унијата или ги превезуваат преку нејзина територија до крајната дестинација.

Папата Франциск, и покрај тоа што е хоспитализиран, се сретна со државниот секретар на Ватикан за да одобри декрети за нови кандидати за можна канонизација.

Украинскиот парламент денеска усвои резолуција со која се потврдува легитимноста на Володимир Зеленски како претседател, а во исто време ја отфрли можноста за одржување избори до крајот на војната.

Потребно е значително да ја зајакнеме одбраната на Белгија, со цел земјата да биде подготвена за руската закана во услови кога „Русите се хиперактивни и на воено ниво“, изјави денеска белгискиот министер за одбрана Тео Франкен.