За 10 отсто е зголемена излезноста на гласачите во општина Гевгелија во првиот круг од претседателските избори до 15 часот. На избирачките места во градот и населените места своето право на глас го искористиле 7.545 граѓани или 39,21 отсто, соопштија од ОИК Гевгелија

Најмалата по број на жители, општина Јегуновце и до 15 часот повторно има најголема процентуална излезност на граѓаните кои имаат можност да изберат нов претседател

Во Кавадарци до 15 часот гласале 39 отсто од гласачите, Неготино 40,8, Росоман 35,8, а Демир Капија 44, 55 проценти од граѓаните со право на глас. Без проблем се одвива гласањето во четирите општини од Тиквешијата, информираа претседателите на општинските изборни комисии

Според Општинската изборна комисија во општина Дебар до 15 часот правото на глас на првиот круг од Претседателските избори го искористиле 30 отсто од вкупниот број гласачи

До 15 часот вкупно гласале 396.252 граѓани што е 28,89 отсто од вкупно евидентираните во Избирачкиот список.

– Во општинските изборни комисии од Битола, Демир Хисар, Новаци и Могила информираат дека избирачкиот процес во Пелагониските општини се одвива во фер и демократска атмосфера.

Од вкупно 45.933 гласачи во Општина Велес на 84 избирачки места до 15:00 часот на гласање излегле 14.747 или 31,2 проценти.

Во Општина Кичево излезноста се движи во рамките на просекот од претходните изборни што се одвивале на територијата на општината.

Заменик-претседателот на ОИК-Ранковце Билјана Тасевска изјави дека во Ранковце до 13 часот гласале 30 отсто од вкупниот број гласачи.

Според информациите од Општинската изборна комисија Гостивар, до 13 часот на гласање на претседателските избори излегле 10,92 проценти (8.675) од вкупно 79.411 запишани гласачи.