Коке уште една сезона во Атлетико

Шпанскиот фудбалер од средниот ред Хорхе Ресуресион, попознат по прекарот Коке, го продолжи договорот со мадридски Атлетико за уште една сезона, до 30 јуни 2026 година, објави денеска неговиот клуб.

Актуелниот договор на 33-годишниот Коке вклучува клаузула за продолжување на договорот за една година на крајот од секоја сезона, која двете страни се согласија да ја активираат.

Коке дебитираше за првиот тим на Атлетико Мадрид на 19 септември 2009 година, и оттогаш стана играч со најмногу настапи во историјата на клубот – 681.

Со мадридскиот клуб Коке досега освои осум трофеи – две титули во Ла Лига, еден Куп на Кралот, два трофеи во Лига Европа, два Суперкупа на УЕФА и еден шпански Суперкуп на Шпанија. Со овие успеси, Коке е вториот најтрофеен фудбалер во историјата на Атлетико веднаш зад Аделардо, кој освои десет трофеи за време на неговиот престој во клубот.