Седум починати во изминатите 24 часа од 7 часот вчера до утринава во 7 часот бележи ковид-центарот во тетовската клиничка болница, информираше координаторот доктор Гзим Нуредини.

За претстојниот попис на населението во септември, интересот за теренски инструктори и попишувачи кај граѓаните на Кичево е многу мал. Од планираните 141 кандидат неопходни за теренски инструктори и попишувачи, досега се пријавиле само 77.

Според податоците на СВР Куманово во изолација на подрачје на општините Куманово, Липково и Старо Нагоричане вкупно има 312 лица, соопштија денеска надлежните.

Во Ковид центарот при Општата болница со проширена дејност во Дебар, каде се третираат и заболени од општина Центар Жупа, како последица од опасниот вирус синоќа починала повозрасна пациентка, жителка на Дебар, што е шеста жртва овој месец.

Нов негативен рекорд од 30 новозаразени во едно деноноќие е регистриран во Дебар, што е највисока бројка на дневно ниво од почетокот на пандемијата.

Се уште се активни пожарите кај Раовиќ и Буковиќ (Сарај) и во атарот на Ракле – Никодин – Топлица во Прилеп.

Дури 95 отсто од вработените во ЦСР Велес се вакцинирани бидејќи ја имаат предвид важноста за нивната работа во новиот бран на пандемијата со Ковид-19.

– Средствата се обезбедени од Министерството за култура во вредност од десет милиони денари и според очекувањата и договорот со изведувачот предвидено е овој дел од работите да заврши до првото тримесечје на идната година-изјави директорот на НУЦК „Трајко Прокопиев“, Сашо Тодоровски.

Во тетовската касарната „Кузман Јосифовски – Питу“ со воена свеченост единиците од гарнизонот Тетово, денеска го одбележаа “18–ти Август“- Денот на Армијата. Свеченоста за Денот на Армијата беше организирана во согласност со протоколите и со почитување на мерките и препораките за заштита од Ковид-19.

Во касарната „Јане Сандански“ Штип денеска се одбележаа 29 години од нејзиното постоењето. На свеченоста присуствуваа градоначалници од општините Штип и Карбинци.